| 正正式式的返左3日工, 可能由於係臨時O既關係, 所以覺得好好玩, 又唔怕被人罵, 又唔怕俾人抄, 又唔怕無人工喎。D3日響銅鑼灣SOGO做玩具sales, 可以見到好多唔同種類o既人, 阿head教我點sell點sell但係我都幾乎無聽到, 因為其實我都好憎俾d sales響旁邊糟住, 與其煩到d人走左去, 不如剩係講句：「隨便睇下喎」，等個客知道我存在, 然後有問題就問, 無問題就由得佢好過。我相信要香港人響d個經濟環境之下使錢響d唔實際o既野都係唔容易o既, 所以主要sell都係sell大陸同外國遊客。 過程中完全體驗到香港工作之忙碌, 連食飯飲水都唔可以俾人睇到。多謝阿銘俾d個機會我, 今次獲得經驗不少, 而且都識左幾個sales朋友, 可能由於大家都係卒仔o既關係, 所以會有好多共同話題, 而且由於我外語不錯所以我居然被某玩具工司營業主任挖角, wakaka都幾有成功感。
可惜馬上就要離開了...
|
| |
| 四處也似乎漸漸有聖誕的氣氛, 商場裡超級市場, 街邊凍肉舖看見一班班的小學生中學生在購買一批批的食物, 準備燒烤、開PARTY。 回想起想當年中學年代的旅行、聖誕聯歡會等,與同學們一起去買東西準備PARTY, 非常懷念
記得有一次紫龜仔屋企D人去曬街, 我地4,5條友去打牌打通頂, 然後第二日早上煮了點東西吃, 有雞翼午餐肉同幾包公仔麵, 雖然簡單但食得津津有味；
又記得中七那年在學校裡的畢業生BBQ那個時候, 我們那班午間到了酒樓爭櫈仔, 然後到紫龜仔屋企打牌, 晚上再回到學校； 又有一次同蛇滯明李金堂同我地班人到酒樓吃晚飯, 然後大夥兒到元華家玩通頂, 那時候還是穿著校服的, 玩炸彈人阿袓七駒被我屈機屈死
最多的回憶, 最開心的日子, 還是在中學里......
|
| |
| 歌手：雷安娜
作曲：黃沾
填詞：黃沾
舊夢不須記 逝去種種昨日經已死
從前人渺 隨夢境失掉 莫憶風里淚流怨別離
舊事也不須記 事過境遷以后不再提起
從前情愛 何用多等待 萬千恩怨讓我盡還你
此后人生漫漫長路 自尋路向天際分飛
他日與君倘有未了緣 始終都會海角重遇你
因此舊夢不須記 亦不必苦與悲
緣來緣去 前事的喜與淚 在今天裡讓我盡還你 |
| |
